تعرف علي افضل 5 روايات رومانسية باللغة العامية

 سوف نقدم لكم حلويات بالمقادير والطريقة وكل شئ.....تابعونا

تيراميسو سبونج كيك 

المقادير:

لمقادير 
- 2 كوب دقيق
- 2 معلقه صغيره بيكينج بودر
- ⅛ معلقه صغيره بيكينج صودا
- ربع معلقه صغيره ملح
- 140 جرام زبده في درجة حرارة الغرفه
- كوب سكر
- 4 بيضات كبار
- معلقه ونص صغيره فانيليا سايله
- كوب الا ربع لبن
- 2 كوب إسبريسو سخن
- 4 ملاعق كبيره سكر بودره
- 225 جرام جبنه مسكربون
- نص كوب سكر بودره
- معلقه ونص صغيره فانيليا سايله
- كوب كريمه - كاكاو للتزيين

طريقة التحضير:

- نسخن الفرن على 180 درجه.
- ننخل الدقيق مع البيكينج بودر والبيكينج صودا والملح ونركنهم على جنب. - نخلط الزبده واللبن مع بعض على نار هاديه لحد ما الزبده تدوب، بس مش هنخليه يغلي.
- هنخفق البيض على اعلى سرعه لمدة دقيقه ونضيف السكر بالتدريج ونستمر في الخفق لحد ما يتضاعف حجمه ٣ مرات، حوالي 5 دقايق تقريبا وبعدين نضيف الفانيليا ونخلي السرعه متوسطه، نضيف خليط اللبن الدافي في خليط البيض ونخفق على اقل سرعه وبعدين نضيف خليط الدقيق بالتدريج ونستمر في الخفق لحد ماننزل بالخليط كله.
- نقسم الخليط في قالبين مدهونين بزبده مع رشة دقيق ونخبزه لمدة 25 - 30 دقيقه.
- بعد ما نتأكد من سوا الكيك نوارب باب الفرن ونسيبهم جوا الفرن وهو مطفي 10 دقايق وبعدين نخرج قوالب الكيك ونسيبها تبرد ربع ساعه ونفك الجوانب بسكينه براحه خالص ونخرجهم من القالب ونبدأ في تقسيم كل كيك لطبقتين من المنتصف وبعدين نسيبهم على جنب ونعمل السيرب بـ 2 كوب اسبريسو سخن مع 4 معلقه كبيره سكر بودره وبعدين نركنه.
- نجيب طبق غويط كبير ونخلط جبنة المسكربون والسكر والفانيليا لحد ما الخليط يبقا ناعم جداً.
- نخفق الكريمه لحد ما حجمها يتضاعف وتتقل معانا، وبعدين نضيفها لخليط المسكربون ونقلب بمعلقه خشب.
- نسقي طبقات الكيك بسيرب الاسبريسو ونفرد كميه بسيطه من الحشو بين الطبقات ونجمع الطبقات على بعض.
- نسقي الوش بالسيرب ونفرد باقي كمية الحشو على الوش والجوانب.
- نرش الكاكاو على الكيك.
- لازم نسيب الكيك في التلاجه 6 ساعات قبل التقديم.

شيز كيك اللوتس 

المقادير:

الطبقة الاولى:
- 25 قطعة بسكويت لوتس.
- معلقة كبيرة زبدة.
- معلقة كبيرة زبدة لوتس.
الطبقة الثانية:
- 300 جرام جبنة كريمي بدرجة حرارة الغرفه.
- 170 جرام قشطة بدرجة حرارة الغرفه.
- 180 جرام حليب مكثف بدرجة حرارة الغرفة.
- 3 معلقة كبيرة زبدة لوتس بدرجة حرارة الغرفه.
- معلقة كبيرة جيلاتين بودر مذاب في نصف كوب ماء ساخن.
الطبقة الثالثة:
- زبدة لوتس مذابة أو كريمة مخفوقة حسب الرغبة.

طريقة التحضير:

- اطحني البسكويت مع الزبدة ومعلقة زبدة اللوتس وبعدين رصيهم في ارضية قالب التشيز كيك وحطيها في التلاجه لحد ما تتماسك.
- اخلطي الجبنه والقشطه والحليب المكثف وزبده اللوتس لحد ما تتجانس.
- اخلطي المياه مع الجيلاتين وضيفيهم فوق الجبنة.
- وزعي خليط الجبنه فوق طبقة البسكويت وبعدين دخلي الكيك الثلاجه لمدة 6 ساعات على الأقل.
- كل مايقعد فترة أطول في الثلاجة كل ما يبقى متماسك ومظبوط أكتر.
⁃ هاتي سكينة ومشيها بين أطراف قالب التشيز كيك وافتحيه.
- دوبي زبدة اللوتس في المايكرويف أو بالحمام المائي وبعدين حطيها على وجة التشيز كيك.
- على حسب رغبتك ممكن تزيني السطح بقطع بسكويت اللوتس وتحطي بسكويت مطحون على الاطراف.
- دخليها الثلاجة وقدميها وقت ماتحبي.

اوريو تشيز كيك 

المقادير:
400 جرام بسكوت اوريو مطحون
80 جرام زبدة مذابة
400 مل كريمة خفق
600 جرام جبنة كريمي
100 جرام شوكولاتة بيضاء
كوب سكر بودرة أو أقل حسب الرغبة
حبات بسكويت اوريو مجروشة
طريقة التحضير:
نخلط البسكويت مع الزبده كويس ونفرده في قالب تشيز كيك ونضغط عليه بظهر المعلقة عشان نساوي السطح وبعدين ندخله الثلاجة لحد ما نجهز الكريم.
نخفق الكريمة ونسيبها على جنب وبعدين ندوب الشوكولاتة البيضاء في المايكرويف أو بالحمام المائي وبعدين نخلطها مع الجبنة الكريمي والسكر كويس وبعدين نضيف الكريمة والبسكويت المجروش ونخلطهم كويس.
نصب الخليط في قالب التشيز الكيك وندخله الثلاجة لمده 4 ساعات على الأقل .

لافا مولتن كيك

المقادير:
كوب شوكليت شيبس
نصف كوب زبدة
كوب دقيق لجميع الأغراض
كوب ونص سكر بودرة
3 صفار بيض
3 بيضة كبيرة
معلقة صغيرة فانيليا سائلة

طريقة التحضير:
سخني الفرن على درجة حرارة 220 وادهني 6 أكواب مولتن كيك بالزيت أو الزبدة.
دوبي رقائق الشوكولاتة مع الزبدة في حلة على النار أو في الميكروويف وقلبي كويس لحد ما الخليط يبقى ناعم.
ضيفي السكر والدقيق لخليط الشوكولاتة.
ضيفي البيض والصفار والفانيليا وقلبي مرة كمان لحد ما الخليط يبقى ناعم وبعدين وزعيه بالتساوي في الأكواب وحطيهم صينية واخبزيها على الرف الأوسط لمدة 13-15 دقيقة حسب فرنك
مرري سكينة حول الحواف عشان تفكيه واقلبي الوجة على الأطباق وبعدين قدميها مع الايس كريم

براونيز بصوص التوفي

المقادير:

لصوص التوفي:
2 كوب سكر
كوب زبدة
كوب كريمة لباني
لصوص الشوكولاتة:
كوب كريمة لباني
2 كوب شوكولاتة قطع
للبراونيز:
كوب زبدة
كوب سكر
2 بيض
ربع معلقة صغيرة فانيليا
كوبين الا ربع دقيق
ربع معلقة صغيرة ملح
كوب الا ربع كاكاو بودرة
جوز او اي نوع مكسرات تحبوه للتزيين

طريقة صوص التوفي:
- نضيف السكر في حلة على نار متوسطة ونسيبه لحد ما يدوب خالص ولونه يبقى ذهبي.
- نضيف الزبدة مع التقليب، وبعدين نضيف الكريمة مع الاستمرار في التقليب لحد ما يتجانس الصوص.
- تُرفع بعيداً عن النار وتُترك لتبرد وتتماسك قليلاً.
طريقة صوص الشوكولاتة:
- نسخن الكريمة في حلة على نار متوسطة (مع مراعاة عدم الغليان).
- نضيف قطع الشوكولاتة مع التقليب المستمر لحد ما تدوب خالص وتتجانس مع الكريمة.
- نرفع صوص الشوكولاتة عن النار ونسيبه يبرد ويتماسك قليلاً.
طريقة البراونيز
- نسخن الفرن على درجة حرارة 180.
- ندهن قالب كيك مستطيل بالزبدة، وبعدين نرش دقيق بسيط ونتخلص من الدقيق الزياده.
- نخفق الزبدة مع السكر في طبق عميق بواسطة المضرب الكهربائي على سرعة متوسطة لحد ما السكر يدوب.
- نضيف البيض والفانيليا مع الاستمرار في الخفق.
نخلط الدقيق، الملح والكاكاو في طبق عميق، وبعدين يضاف تدريجياً لخليط الزبدة، ونخفق الخليط لحد ما يتجانس.
- نصب الخليط في القالب ونساوي السطح.
- نخبزه في الفرن لحوالي 20 دقيقة، ونسيبه يبرد خالص، وبعدين نقطعه مربعات.
- عند التقديم، نحي مربع من البراونيز في الطبق ونوزع فوقه صوص الشوكولاتة.
- نقطع مربع تاني مكعبات متوسطة الحجم، توضع المكعبات بشكل عشوائي فوق المربع الأول ونوزع فوقها صوص الشوكولاتة والتوفي ونزين بالجوز او المكسرات المفضلة.

انتظروا باقي الوصقات.....تابعوناا💋