تعرف علي افضل 5 روايات رومانسية باللغة العامية

كلنا بنحب المكرونة....تعالوا نعرف المكرونة بكل أنواعها اللذيذة بطرق سهلة جدا وبسيطة.

 
طرق جميع أنواع المكرونة

-مكرونة بالبشاميل😍

المقادير:

باكيت مكرونة (مسلوقة / النوع المفضل)
نصف كيلو لحم مفروم
حبة بصل (مفروم ناعم)
نصف معلقة صغيرة ملح
ربع معاقة صغيرة جوزة الطيب
ربع معلقة صغيرة فلفل اسود
كوب جبنة موتزاريلا
كوب جبنة شيدر مبشورة
كوب جبنة رومي مبشورة
4 اكواب حليب
4 معالق كبار زبدة
4 معالق كبار دقيق

طريقة التحضير:

حطي اللحم المفروم في طاسة على نار متوسطة وقلبي لحد ما لونها يبقا بني
ضيفي البصل والملح وقلبي لمدة 10 دقائق لحد ما البصل يطرى
ضيفي الفلفل الأسود وجوزة الطيب وقلبي لحد اللحم يستوي
لتحضير البشاميل: اخلطي الدقيق مع الزبدة في حلة على نار متوسطة لحد ما يتحمص ولونه يبقا ذهبي
ضيفي الحليب بالتدريج مع التحريك لحد ما تحصلي على خليط كريمي وتقيل
اظبطي الملح والفلفل وحركي وارفعي الحلة عن النار
حطي كمية بسيطة من البشاميل في صينية الفرن وبعدين رصي نصف كمية المكرونة المسلوقة وكمية من البشاميل ووزعي اللحم
حطي باقي كمية المكرونة فوق اللحم ووزعي البشاميل
وزعي الجبنة الموتزريلا والجبنة الرومي والجبنة الشيدر
دخلي الصينية الفرن على درجة حرارة 190 لمدة 25 دقيقة لحد ما تتحمر والجبنة تسيح وقدميها ساخنة.

-مكرونة بالوايت صوص (بالصوص الأبيض)

المقادير:

كيس مكرونة

3 ملاعق كبيرة من الزبدة

2 ملعقة ثوم مفروم صغيرة

مررقة دجاج

كوب لبن

3 ملاعق من الدقيق كبيرة

ملعقتين من البقدونس المجفف صغيرة

نص كوب بارميزان مبشورة

ملح و فلفل

طريقة عمل الوايت صوص:

نقوم بإذابة الزبدة علي الناري مقلاة،علي النار لمدة دقيقة للطهي،نضيف الدقيق مع التقليب المستمر لمدة دقيقة،نضيف الدقيق ومرق الدجاج مع التحريك المستمرونترك الصوص علي النارحتي يغلي ويتكثف.

طريقة التحضير:

سلق المكرونة وإضافة ملعقة من الملح علي والزيت علي الماء  وبعد السلق والتسوية 7 دقائق علي النار، ترفع وتصفي من الماء، ثم نضيف علي الصوص الأبيض البقدونس المجفف والجبنة البارميزان، نضيف الملح والفلفل حسب الرغبة، نستمر في التقليب حتي تذوب الجبنة، ثم نضع المكرونة المسلوقة علي الفور علي الصوص، تقدم المكرونة مع الصوص ساخنة، ويمكن التزيين بالبقدونس.

-لازانيا باللحم المفروم والبشاميل

😋😋

المقادير:
باكيت لازانيا 400 جرام
750 جرام لحمه مفرومه
2 بصله كبيره مفرومه ناعم
فصين ثوم مفرومين ناعم
3 معالق كبار زبده.
معلقه كبيره بقدونس مفروم
معلقه كبيره زعتر مجفف
ملح وفلفل أسود حسب الرغبه
نصف كيلو طماطم مقشره ومفرومه
معلقتين كبار معجون طماطم
مقادير البشاميل:
معلقتين كبار زبده
ملح وفلفل اسود حسب الرغبه
رشة جوزة الطيب
4 معالق كبار دقيق
نصف كوب جبنه موتزاريلا
2 كوب حليب

طريقة التحضير:

في حله على النار نضيف الزبده وننزل البصل ونقلبه كويس لحد مايدبل
نضيف اللحم المفروم والثوم للبصل ونقلب لحد ما اللحمه تستوي
نضيف البقدونس والزعتر المجفف ثم الطماطم المفرومه ونقلب كويس ونتبل بالملح والفلفل الأسود مع التقليب
نغطي الحله ونسيبها على نار متوسطه شويه لحد ما المكونات تتجانس ونرفعها عن النار
لعمل البشاميل:
نضيف الدقيق إلى الزبده المذابه في حله على النار ونقلب لمدة دقيقتين
نضيف الحليب السائل مع التقليب المستمر لحد ما القوام يتقل
نضيف الملح والفلفل الاسود، ورشة جوزة الطيب ونضيف الجبنه الموزاريلا مع الاستمرار في التقليب وبعدين نرفعه عن النار ونسيبه على جنب
نسلق اللازانيا نصف سوا في ماء مملح متضاف معاه معلقتين زيت وبعدين نطلعها نحطها في مياه بارده بمكعبات تلج عشان اللازانيا ماتلزقش مع بعضها
ملحوظه: سلق اللازانيا بيكون شريحه او اتنين بالكتير ونستخدم معلقه خشب للتقليب، وفيه أنواع لازانيا مش بتحتاج سلق وبنستعملها على طول
نجيب صينيه بايركس ندهنها بشاميل بسيط وفوقها طبقة من اللازانيا ونضيف طبقه من اللحمه المفرومه. نكرر طبقة بشاميل على اللحمه ونغطيها بطبقة لازانيا وننهي الازانيا بطبقة بشاميل ونضيف الجبنه الموتزاريلا على الوش
ندخل الصينيه فرن ساخن على درجة حراره 200 لمدة 20 دقيقه لحد ما اللون يبقا ذهبي وباالهنا والشفاا

- مكرونة بالدجاج الكيجن

المقادير:

2 صدور دجاج

معلقتين كبار زيت زيتون
معلقة كبيرة من توابل الكاجن
250 جرام مكرونة اقلام
معلقتين كبار زبدة
3 فصوص ثوم مهروسين
كوب كريمة طبخ
نصف معلقة صغيرة من قشر الليمون
ربع كوب جبنة بارميزان
ملح وفلفل اسود
2 حبة طماطم مقطعة مكعبات
بقدونس طازج مفروم

خلطة بهارات الكاجن:
2 معلقة صغيرة ملح
2 معلقة صغيرة ثوم بودرة
2 معلقة صغيرة بابريكا
معلقة ونصف صغيرة فلفل الأسود
معلقة صغيرة بصل بودرة
ملعقة صغيرة بودرة فلفل احمر حار
ملعقة وربع اوريجانو مجفف
معلقة وربع زعتر مجفف

طريقة التحضير:

اخلطي صدور الدجاج مع توابل الكاجن ومعلقة من زيت الزيتون وسيبيها على جنب
ضيفي معلقة من الزيت في طاسة كبيرة على النار وبعدين ضيفي صدور الدجاج على نار متوسطة لمدة 5 دقائق لكل جانب وارفعيها عن النار
اسلقي المكرونة بالطريقة المعتادة وصفيها واغسليها بماء بارد
ضيفي معلقة زبدة في طاسة على النار لحد ما تذوب وضيفي الثوم مع التقليب لمدة دقيقة
ضيفي كريمة الطهي وقشر الليمون وقلبي كويس وبعدين ضيفي الجبن البارميزان وقلبي لحد ما الجبنة تذوب وتبلي بالملح والفلفل الاسود
ضيفي المكرونة وقلبي وقطعي الدجاج لشرائح طويلة ووزعيها فوق المكرونة وزينيها بالطماطم والبقدونس وقدميها ساخنة..

- مكرونة الفريدو بالجمبري 

المقادير:

باكيت مكرونة قلم
نصف كيلو جمبري
معلقة كبيرة زبدة
معلقة كبيرة زيت زيتون
معلقة صغيرة ملح
نصف معلقة صغيرة فلفل أسود
3 فصوص ثوم (مهروس ناعم)
كوبين كريمة طبخ
نصف كوب جبنة بارميزان (مبشورة)
معلقة كبيرة بقدونس (مفروم / للتزيين)

طريقة التحضير:

سلقي الباستا صفيها واتركيها جانباً
سخني الزبدة والزيت في طاسة واسعة على نار متوسطة
ضيفي الجمبري مع نصف كمية الملح والفلفل والثوم وقلبي لمدة 5 دقائق وبعدين ارفعيه من الطاسة وسيبيه على جنب
ضيفي لنفس الطاسة الثوم المتبقي وقلبي لمدة دقيقة
وبعدين ضيفي الكريمة ونصف كمية الجبنة البارميزان وحركي لحد ما الخليط يبدأ بالغليان
عيدي الجمبري للكريمة واتركي المزيج لمدة 3 دقائق يغلي على نار متوسطة.
اغرفي الباستا في طبق التقديم ووزعي الكريمة مع الجمبري فوقها
زيني الطبق بباقي كمية جبن البارميزان والبقدونس المفروم وقدميها ساخنة

-مكرونة بالبينك صوص

المقادير:

باكيت مكرونة مسلوقة
كوب كريمة
كوب ريحان طازج
2 كوب طماطم مبشورة
معلقتين كبار معجون طماطم
جبنة بارميزان
مكعب مرقة دجاج
بصلة مقطعة
زيت زيتون
ملح وفلفل أسود

طريقة التحضير:

حمري البصل في الزيت لحد ما يذبل وبعدين ضيفي الطماطم المبشورة مع معجون الطماطم ومكعب المرقة وضيفي نصف كوب ماء وتبلي بالملح والفلفل وخلي المزيج على النار 5 دقائق
ضيفي الكريمة وخليها 5 دقائق إضافي وبعدين ضيفي الريحان على البينك صوص وارفعيه عن النار
ضيفي المكرونة وقلبيها مع الصوص ورشي الجبنة البارميزان على الوجه وقدميها مع اللحم او الدجاج او الخضار حسب الرغبة.

-مكرونة (نودلز) باللحمة

المقادير:

حبة بصل مقطع شرائح
معلقتين كبار زبدة
نصف معلقة صغيرة فلفل اسود
نصف كيلو لحم مقطع مكعبات صغيرة
باكيت نودلز (النوع المفضل / مسلوقة ومصفاة)
كوب مرق لحم
معلقة كبيرة نشا
معلقة صغيرة ملح
2 ورقة غار
كوب بازلاء مجمدة

طريقة التحضير:

ضيفي اللحم في طاسة على النار وقلبي لمدة 5 دقائق لحد ما يحمر وارفعيه من الطاسة وسيبيه على جنب
في نفس الطاسة سخني الزبدة وقلبي فيها البصل لحد ما يذبل
ضيفي اللحم ومرق اللحم للطاسة وقلبي وبعدين ضيفي ورق الغار والملح والفلفل وخلي المزيج يغلي وخففي النار وغطي الطاسة وسيبيه لمدة ساعة لحد ما اللحم يستوي
ضيفي البازلاء المجمدة والنشا وقلبي لحد ما تتكاثف الصلصة
ضيفي النودلز في طبق التقديم ووزعي اللحم فوقه مع الصوص وقدميه ساخن.

- نجرسكو باللحم المفروم 💜

المقادير:

باكيت مكرونة (النوع المفضل)
300 جرام لحم مفروم
حبة بصل (مفروم ناعم)
كوب ونصف كريمة طهي
معلقة كبيرة زبدة
معلقة صغيرة أوريغانو مطحون
3 معالق كبار معجون طماطم
ربع كوب ماء
معلقة صغيرة ملح
ربع معلقة صغيرة فلفل أسود
كوب جبنة موتزاريلا

طريقة التحضير:

نسلق المكرونة ونصفيها ونغسلها بماء بارد ونسيبها على جنب
نسخن الزبدة في طاسة واسعة ونضيف اللحم المفروم ونقلب لحد ما لون اللحمه يتغير
نضيف البصل والملح ونقلب لمدة 5 دقائق
نضيف معجون الطماطم والفلفل الأسود والأوريغانو والماء ونسيبهم على النار لمدة 5 دقائق
نضيف الكريمة ونقلب ونخفف النار ونسيبهم لمدة 5 دقائق كمان
ندهن صينية بالزبدة ونوزع مزيج اللحم والكريمة والصوص فوقها
نوزع الجبنة الموتزاريلا وندخل الصينية الفرن على درجة حرارة 180 لمدة 25 دقيقة وتتحمر
نقدمها ساخنة مع السلطة حسب الرغبة.

-نجرسكو بالدجاج 💛

المقادير:

باكيت مكرونة بيني
4 صدور دجاج
2 حبة بصل (كبير الحجم)
2 فلفل رومي (متوسط الحجم)
نصف معلقة صغيره ثوم بودرة
نصف معلقة صغيرة بصل بودرة
معلقة صغيرة ملح
معلقة صغيرة فلفل أسود
4 معالق كبار زيتون شرائح
ربع كوب جبنة شيدر (مبشورة)
ربع كوب جبنة رومي (مبشورة)
2 مكعب مرق دجاج
كوب ونصف حليب
3 معالق كبار دقيق
3 معالق كبار زبدة
معلقتين كبار زيت
بيضة
معلقة كبيرة بقدونس (مفروم)
معلقة صغيرة ريحان (اختياري)
حبة ليمون

طريقة التحضير:

 قطعي صدور الدجاج وحطيها مع بصلة مفرومة ناعم وملح وفلفل وبهارات وعصير الليمونة وسيبيها في الثلاجة تتبل شوية.
- ابدأي اعملي الصوص: حطي معلقة زبدة في حلة على النار مع إضافة الدقيق والتقليب بسرعة عشان الدقيق ما يتكتلش الدقيق ولونه يصفر.
- في طبق تاني ضيفي الحليب ومرق الدجاج لحد ما مرق الدجاج تدوب فيه وحطيه على خليط الدقيق والزبدة وقلبي بمضرب سلك وابعديه عن النار عشان الدقيق يتفكك ورجعيه على النار مرة تانية مع التقليب المستمر لحد ما القوام يتقل شوية.
- ضيفي الجبنة الشيدر والجبنة الرومي المبشورة والفلفل الأسود للصوص لحد ما تذوب الجبنة والخليط يتقل.
- اسلقي المكرونة في ماء مغلي مملح وفيه قليل من الزيت.
- في طاسة على النار حطي معلقة زبدة ومعلقة زيت وضيفي البصلة المفرومة وقلبي البصل لحد ما يدبل وبعدين ضيفي قطع الدجاج مع التتبيلة وباقي كمية التوابل وقلبي لمدة 10 دقايق وضيفي شرائح الفلفل الرومي.
- صفي المكرونة واخلطيها مع الزيتون والدجاج والتوابل لحد ما المكونات تندمج كويس وحطيها في صينية فرن مدهونة بالزيت.
- اخفقي بيضة وضيفيها للصوص وادمجي ثلاث أرباع الصوص مع المكرونة والدجاج وصبي الباقي على الوجه وبعدين حطي الجبنة الموتزاريلا والجبنة الشيدر ودخليها في فرن مسخن مسبقاً على درجة حرارة 180 درجة لحد ما الجبنة تسيح والوش ياخد لون ذهبي جميل وبالهنا والشفا.

نتمني تكونوا استفدتواا.....تابعونا للمزيد من الوصفات الشهية.